ස්ටර් ෆ්‍රයිඩ් ග්‍රීන් බීන්ස්

අවශ්‍ය ද්‍රව්‍ය :

• දික් අතට කපාගත් බෝංචි ග්‍රෑම් 150
• තලාගත් සුදුළූණු බික් 2
• චොප්කරගත් රතුළූණු ගෙඩි 2
• තලාගත් ඉඟුරු තේ හැඳි 1/2
• රම්පේ හා කරපිංචා
• ලුණු හා ගම්මිරිස්කුඩු
• බටර් තේ හැඳි 2
• තල ඇට තේ හැඳි 1/2
• පොල් තෙල් ස්වල්පයක්
• ඔලිව්තෙල් ස්වල්පයක්

සාදා ගන්නා ආකාරය :

• මුලින්ම බෝංචි වලට ලුණු ටිකක් දාලා බාගෙට ස්ටීම් කරගන්න.
• තෙල් ටිකක් ලිපේ තියලා රත්වෙනකොට කපාගත් ළූණු හා සුදුළූණු දාලා තෙම්පරාදු කරගන්න.
• රම්පේ, කරපිංචා, ඉඟුරු ටිකත් එකතු කරන්න. දැන් ඒකට බෝංචි ටිකත් දාලා තෙම්පරාදු කරගන්න.
• ගම්මිරිස්කුඩු හා රස අනුව ලුණු දාගන්න. ඊළඟට බටර් ටික දාලා කලවම් කරලා අන්තිමට තල ඇට ටික ඉසගන්න. ලිපෙන් බාලා උඩින් ඔලිව්තෙල් ටිකක් ඉසගන්න.

ලිපේ තියන් තෙම්පරාදු කරන වෙලාව උපරිම විනාඩි තුන හතරකට වඩා වැඩි කරගන්න එපා. බෝංචි වල ලස්සන කොළපාට නැතිවෙයි.