ඉඩ අඩු ගෙදර ඉඩ වැඩි කොට පෙන්වන Tips

කුඩා ඉඩමක් භාවිත කර අලංකාරවත් ලෙස කුඩා නිවෙස් ඉදිකිරීම කෙරෙහි බොහෝ දෙනාගේ අවධානය යොමුව තිබෙනවා. නමුත් කුඩා නිවෙසක් තුළ බඩු භාණ්ඩ සහ අනෙකුත් ගෘහ උපකරණ තැබීමත් සමඟ ඉඩකඩ ඇහිරී යෑම නිසා ආකර්ෂණීය භාවයක් නොමැති වීමට ඉඩ තිබෙනවා. නමුත් ඔබ භාවිත කරන වර්ණ, ආලෝකය වැනි දෑ මඟින් නිවෙසේ ඉඩකඩ පුළුල් කර පෙන්වීමට හැකියාව තිබෙනවා. නිවෙසේ ඉඩකඩ පුළුල් කිරීම පිළිබඳව ඔබ නිවෙස ඉදිකිරීමට පෙර සිටම සැලැසුම් කිරීමයි වඩාත් යෝග්‍ය වන්නේ. නිවෙසේ ඉඩකඩ පුළුල් කොට දක්වන උපක්‍රමයන් කිහිපයක් පිළිබඳව අපි දැන් සලකා බලමු.

අඳුරු වර්ණයන්ට නිවෙස අලංකාරවත් කර දැක්වීමට හැකියාව තිබෙනවා. නමුත් නිවෙස අභ්‍යන්තරයට අඳුරු වර්ණයන් භාවිත කිරීමෙන් සිදුවන්නේ නිවෙසේ ඉඩ ඇහිරී යෑමයි. නිවෙසේ බිත්ති මතට සුදු, ඛ්පඥචථ වර්ණ සහ ර්ථීචතඥ වර්ණ භාවිත කිරීමෙන් නිවෙසේ ඉඩකඩ විශාල කොට දැක්වීමට හැකියාව තිබෙනවා. 

නිවෙසේ ඉඩකඩ විශාල කොට දැක්වීම උදෙසා නිවෙසේ ප්‍රධාන බිත්තියකට අලංකාරවත් කණ්ණාඩි සවි කිරීමද ඔබට කළ හැකියි. එමඟින් නිවෙසේ ඉඩකඩ වැඩි වී දිස් වෙනවා.

ගෘහ භාණ්ඩ තෝරා ගැනීමේදී වඩා අඳුරු ගෘහ භාණ්ඩ තෝරා ගැනීම වෙනුවට තරමක් ළා වර්ණයේ ගෘහ භාණ්ඩ තෝරා ගැනීමෙන්ද නිවෙසේ ඉඩකඩ තරමක් විශාල වී පෙනෙනවා. සුදු බිත්තියක් ආශ්‍රිතව ඉතා අඳුරු ගෘහ භාණ්ඩ භාවිත වෙනවා වෙනුවට අළු,Cream  වර්ණය ඇතුළු ළා වර්ණයන් භාවිත කිරීම ඉතා යෝග්‍යයි. 

කාමරයේ ඉඩකඩ පුළුල් කිරීම සඳහා බිත්තිය මත තරමක් දිගුව විහිදෙන චිත්‍රයක් ඇඳ එය අලංකාරවත් ලෙස  දිස්වන පරිදි  Picture Light  එකක් යොදා ගැනීමටද හැකියාව තිබෙනවා.

නිවෙසට යොදන කාපට් ළා වර්ණවලින් තෝරාගැනීමද ඔබට කළ හැකියි.

නිවෙසේ ජනෙල් යොදන ස්ථාන සහ යොදන ආකාරයෙන්ද ඉඩකඩ වැඩි කොට දැක්වීමට හැකියි. ජනේලය විවෘත කළ විට තරමක් හිස් වටපිටාවක් පෙනෙන විටද ජනෙල් විවෘත කර තිබෙන විට නිවෙසට ඇතුළු වූ විට බැලූ බැල්මට නිවෙසේ ඉඩකඩ පුළුල් වී දිස් වෙනවා.

නිවෙසේ සිවිලිම ළා වර්ණවලින් යෙදීමද ඉතා හොඳ උපක්‍රමයක් ලෙස දැක්විය හැකියි.

බිත්තිවල උස වැඩි කර දැක්වීමට තිරස් අතට ඉරි යෙදු තිර රෙදි භාවිත කිරීමට හැකියාව තිබෙනවා. එසේම ජනෙල් උදෙසාද තරමක් දිගු ළා වර්ණවලින් නිර්මාණය කළ තිර රෙදි යෙදිය හැකියි.

නිවෙසට ගෘහ භාණ්ඩ තෝරා ගැනීමේදී නිවෙසේ ඉඩකඩ ඉතිරි කරගත හැකි පරිදි ගෘහ භාණ්ඩ තෝරා ගත හැකි සේම අකුළා ඉවත් කරගත හැකි ගෘහ භාණ්ඩද වෙළෙඳපොළේ මිලදී ගැනීමට තිබෙනවා. 

මුළුතැන්ගෙය වඩාත් විශාල කර දැක්වීම සඳහාද සිවිලිම, බිත්තියේ වර්ණ. ර්ථීචදබපර ඛ්භනඡධචපඤ ආදිය සුදු වර්ණයෙන් යොදන්න.

උපුටා ගැනීම මව්බිම