ඉවතලන දෑ උපයෝගී කරගෙන කිලිනොච්චියේ තරුණයෙකු මෝටර් රථයක් නිපදවයි

පවතින කොරෝනා රෝග වසංගත සමයේ පැවති නිවාඩුව උපයෝගි කර ගනිමින් කිලිනොච්චිය දිස්ත්‍රික්කයේ තරුණයෙකු ඉවතලන ද්‍රව්‍ය උපයෝගි කරගෙන මෝටර් රථයක් නිපදවා තිබිණ. කිලිනොච්චිය,කණ්ඩාවලෙයි ප්‍රාදේශීය ලේකම් කොට්ඨාශයට අයත් පරන්තන් ප්‍රදේශයේ පදිංචි 20 හැවිරිදි තරුණයෙකු වන අරුල්දාස් රොෂාන් නමැති තරුණයා එලෙස මෝටර් රථයක් නිපදවා තිබිණ. ත්‍රිරෝද රථ මගින් ඉවතලන ද්‍රව්‍ය හා තවත් ද්‍රව්‍ය යොදා ගනිමින් රොෂාන් තරුණයා මෝටර් රථය නිපදවා තිබු අතර, රොෂාන් තරුණයා පැවසූවේ නිපදවන ලද මෝටර් රථය පැයට කිලෝමීටර 60 ක වේගයෙන් ධාවනය කළ හැකි බවයි. කිලෝග්රැම් 500 ක බරකට ඔරොත්තුදෙන ලෙසට මෝටර් රථය වැඩිදියුණු කළ හැකි අතර, මෝටර් රථය නිපදවීමේ සියළු කටයුතු තමන් විසින් සිදුකළ බවද හෙතෙම පැවසුවේය. මෝටර් රථයේ විදුලි පරිපථ සකස් කිරීම හා නිපැයුමේ භාහිර අලංකාර කටයුතු වෙනුවෙන් තමන්ට අවශ්‍ය අමුද්‍රව්‍ය සපයා ගැනීම ගැටළුවක් වි පවතින අතර, අදාළ අමුද්‍රව්‍ය ලබාගැනීමට කිසිවෙක් උපකාරයක් කරන්නේ නම් අඩු වියදමකින් මෝටර් රථය නිෂ්පාදනය කළ හැකි බවද හෙතෙම ප්‍රකාශ කළේය.

රොෂාන් තරුණයා නිපදවන ලද මෝටර් රථය නිරීක්ෂණය වෙනුවෙන් කිලිනොච්චිය කණ්ඩාවලෙයි ප්‍රාදේශීය ලේකම් ටි.බ්‍රින්දාකරන් මහතා එක්වු අතර, ප්‍රා‍දේශීය ලේකම්වරයා පැවසූවේ අදාළ හැකියාව සම්බන්ධයෙන් වගකිව යුතු අංශ දැනුවත් කොට තරුණයාගේ හැකියාවට වටිනාකමක් ලබාදීමට කටයුතු කරන බවයි.

මව්බිම