The Croods

ආලෝකය ජීවිතය වෙනස් කරන ආකාරය හරිම විශ්මය ජනකයි. කිසිදින ආලෝකය හෝ ගින්දර දැක නොමැති, අත්විඳ නොමැති පවුලක්. මුළු පවුලම එකට ගුලියට ගල් ගුහාවක සිරවී සිටීම ආරක්ෂා සහිත යැයි විශ්වාස කරන පවුලක් වටා ගොඩ නැගෙන The Croods විනෝදාත්මක animation චිත්‍රපටයකි. ඒප් ගුහාවක සිරවී ගත කිරීමට අකමැති තරුණියකි. අලුත් අලුත් දෑ අත්විඳීමට කැමති නිදහස සොයා යාමට උනන්දුවක් ඇති ඇය දිනක් ආලෝකය පසුපස යයි. එය ඇයට නුහුරු නුපුරුදු අත්දැකීමක් වූ අතර, ඒ පසුපස යෑමේදී අලුත් ලෝකයක් විශ්වාස කරන ගයි මුණගැසේ. ඔහු ඇයට ඔහු හා යාමට කතා කරන අතර ඇය එයට අකමැතිවන්නේ තම පවුල සිහිවීමෙනි. විශාල භුමි කම්පාවක් හේතුවෙන් ආරක්ෂාව පිණිස සැඟව සිටී ගල් ගුහාව විනාශ වීමත් සමග අලුත් ගල් ගුහාවක් සොයා යාම සඳහා ආරම්භ කල වික්‍රමාන්විතයන් සපිරි චාරිකාව The Croods තුල දිග හැරේ. Dreams Work Animation විසින් පණපෙවූ මිනිත්තු 98ක් පුරා දිග හැරෙන The Croods හි අධ්‍යක්ෂණය Kirk DeMicco සහ Chris Sanders අතින් සිදුවුවක් වන අතර කතාව John Cleese විසින් ලියන ලද්දකි. 2013 මාර්තු 15 මෙක්සිකෝ හිදී 20th Century යටතේ තිරගතවීම ආරම්භ කල The Croods තවමත් ළමා තරුණ වෙනසක් නොමැතිව රසිකයන් අතර ජනප්‍රිය වෙමින් ලොව පුරා තිරගත වන චිත්‍රපටයකි. ඒප් ලෙසින් එමා ස්ටෝන්, ගයි ලෙසින් රයන් රෙනොල්ඩ්, ග්‍රග් ලෙස නිකලස් කේජ් ද, උග්ගා ලෙස කැතරින් කීන ද, තන්ක් ලෙස ක්ලාර්ක් ඩුක් ද හඬ දායකත්වය සපයයි. Best Animation feature ලෙස San Francisco Film Critics Circle සහ Washington D.C. Area Film Critics Association හි නාම තේරුණු, Women Film Critics Circle සහ Toronto Film Critics Association හි Best Animation Feature ලෙස දෙවන ස්ථානයට තේරී පත්වුණු The Croods හි බලාපොරොත්තු සහගත සිහින දකින්නට ගයිට, හෝ ග්‍රග් සහ ඒප් මුලික crood පවුලට හැකිවේද, අලුත් ලෝකයක් ඔවුන් වෙනුවෙන් තිබේවිද? සිත්මල්යායෙන්