නයෙක් දුටුවොත් තදබල අපල

සිහින මඟින් යම් යම් අසුබ පලද උදාවේ. සමහරවිට කෙතරම් සුබ සිහින දුටුවද, ඉන් අසුබ පල උදාකරන අවස්ථාද තිබේ.

1. දැව පිලිස්සීම, වනාන්තර තුළ ගිනි ගැනීමක් හෝ දැවුණු අඟුරු දැකීම, විවාහ වීමට සිටින අයට අසුබ කාලයකි. විවාහ වීමට සුදුසු වයසේ දරුවන් සිටී නම් දරුවන්ට අනතුරු වන බව කියැවේ.
2. සිහිනෙන් නයෙක් වැනි විෂඝෝර සර්පයන්ද දකීනම් හෝ තමන් පසුපස එළවාගෙන එයි නම්, ඉතාමත් තදබල ග්‍රහ අපල ඇත. විශේෂයෙන් රාහු අපල ඇති කාලයකි.
3. අලි ඇතුන්, ගවයන්, මොනරුන් තමන් පසුපස එළවනවා දකීනම්, එහිදී තමන් වැටෙනවා දකීනම්, දෙවියන්ගෙන් දෝෂ ඇතිවන කාලයක් වන අතර එම දෝෂය තදබල වේ.
4. මුහුදේ නැවක, ඔරුවක යනවා දැකීම හෝ මුහුදු දියේ මාළුන් එක පේළියට පිහිනනවා දැකීම, සුබපල දෙන සිහිනයකි. අන් සතු වස්තුවක් හෝ තමන්ට උරුම යම්කිසි වස්තුවක් ලැබේ.
5. සුනඛයන්, කළු පූසන්, වඳුරන් කෑගහනවා දකීනම්, එම කාලය තුළ මොනයම් හෝ කරුණක් මත නින්දා අපහාසයකට මුහුණ දීමට සිදුවේ.
6. කුණාටු සහිත මහා වර්ෂාවකට තෙමීම හෝ ගංවතුර දැකීම, එය සුබපල සිහිනයකි. එවිට විදේශගත යෝග ඇති වෙයි. විදේශ ගතවීමට සුබ කාලයකි.
7. තමාගේ යහළුවකු හෝ හිතවතකු හදිසි අනතුරකින් මිය යයි නම්, සිහිනය දුටු පුද්ගලයාට අසුබ පල උදාවේ. සිහිනයෙන් දුටු පුද්ගලයාට සුබපල හිමි වේ.
8. තමා ආදරය කරන කෙනකු හෝ තම හිතවතකු වර්ණවත් සමනලුන් සමඟ පියඹා යනවා දුටුවොත් හෝ මල් උයන් තුළ සිටිනවා දුටුවොත්, එම පුද්ගලයා පරෙස්සමෙන් ඇසුරු කරන්න. අසුබ පල සිහිනයකි.
9. ගසක අත්තක් කැඩී වැටෙනවා දැකීම, තමන්ට යමක් හිමිවීමට තිබූ මාර්ගයක් ගිලිහී යෑම හෝ හිතවතකු අමනාප වීම සිදුවෙයි.
10. මහා සෙනඟක් තම නිවෙසේ පිරී ඉතිරී සිටිනවා දැකීම, හිතවතකු හෝ ඥාතියකු වියෝ වේ.

උපුටා ගැනීම මව්බිම Save